التربية الحديثة ونموذج لتآثير الكارتون علي الأطفال

الحدث – القاهرة – بقلم دكتورة فاطمة حسين

الكلام ده موجه في الأساس للأمهات بحكم انهم اكتر ناس بيقعدوا مع ولادهم
وانا قعدة بسمع اغنية ذهب الليل طلع الفجر والعصفور صوصو لفت نظري عدة اشياء
1_ قناة كتاكيت بيبي بتيجي عند مقطع ( وشافهم بابا وعاقبها وعاقبه ) الناس اللي حافظة الاغنية هتعرف ان اصل المقطع ده ( وضربها وضربه ) طبعا ده عشان التربية الحديثة بتمنع الضرب
أما قناة لونا اطفال فبتيجي عند المقطع ده وبيقول ( وزعل منها ومنه ) كتر خيرهم وضحوا طبعا انن العقاب هو الزعل فقط وده طبعا عشان التربية الحديثة بتمنع الضرب والعقاب في آن واحد
اما بقي قناة مرج كي جي فكتر الف خيرهم قالوا المقطع زى ما هو بأصله ( وضربها وضربه ) وده طبعا عشان التربية الحديثة بتمنع الضرب 😂
بس انا هحاول استخرج حاجة مفيدة من هذا اللقاء الخاص بالأطفال وهو ان الكارتون يا جماعة بيبقي موجه فكريا في صورة اشكال حلوة فمش لازم نسيب اطفالنا من غير رقيب وهما بيتفرجوا على الكارتون
والي لقاء اخر من لقاءاتى المخصصة عشان ناخد بالنا من أطفالنا  😊😊 هقولكم فيها على بقية الاشياء اللي لاحظتها في ذهب الليل
#التربية_الحديثة #ذهب_الليل
#فاطمة_حسين