خلوا بالكم من أفلام الكارتون والرسائل الموجهة للأطفال

الحدث – القاهرة – بقلم دكتورة فاطمة حسين

كلامي موجه للناس اللى بتحب كارتون زي حالاتي ومهتمة انها تتابع المحتوي الموجه لأطفالها مش مجرد انهم معتبرين ان الكارتون مضيعة لوقت الأطفال وأنه شوية تسالي 😂❤ وكلامي تحديدًا للناس اللي  بيشوفوا #قناة_كراميش 😁

في أغنية  جديدة انتجتها القناة اسمها #المية_بح اه والله زمبئولك كده الأغنية يا سيدي بتدور في حالة ذعر #الست مش لاقية مية تغسل بيها المواعين و #الراجل مش لاقي مية يغسل بيها وشه والتالت واقف تحت الدش ومش لاقي مية يستحما ولا مؤاخذة 😁
وفي آخر الأغنية كتر خيرهم جابو شوية #أطفال بتملى البلالين مية وبيفرقعوها فالراجل الكبير بيقولهم وفروا المية عشان تلاقوا مية تحطوها في البلالين وتأرفونا بيها 😂😂
طبعا نحب نشكر ساعي البريد اللي وصل الرسالة وقال وفروا المية 😎😎
ايوة هو فعلا ساعي بريد اللي يقدم محتوي متخلف وموجه بأفكار مش عارفة القصد منها ايه
خصوصا ان الأغنية عاملة شكر خاص للوكالة الأمريكية للتنمية والمساعدات #usaid واللي ميعرفش الوكالة دي دى مؤسسة دولية تابعة للحكومة الأمريكية وطبعا بتقدم #مساعدات انسانية للدول الفقيرة وفقا لسياسة #الحكومة الأمريكية … واشطح بخيالك بقي عزيزي القارئ الجميل 😂😂 وعزيزي #المواطن اللي بيحب يتفرج على كارتون 😂😍
طبعا هييجي شخص متحمس للكارتون ويقولي انا شايف الأغنية عادية اقولك انا مش هناقشك انا هوضحلك شوية حقائق تقدر تبني عليها رأي في الأغنية
اولا : أمريكا مش اول مرة تستخدم الكارتون في توجيه قيم معينة عاوزة الناس تعملها عندك مثلا ( شخصية البطة دونالد ) شركة والت ديزني عملوا افلام كتيرة جدا وقت الحرب العالمية الثانية باستخدام الكارتون منهم فيلم على سبيل المثال لا الحصر اسمه ( the spirit of 43 ) وبطوط فيه قبض مرتبه وبيبقي بين عم دهب اللي بيقوله يحوش فلوسه ويدخر ويدفع ضرايبه وما بين محظوظ وده رأيه انه يصرف فلوسه ويجيب كل اللى نفسه فيه وميشلش اي حاجة
طبعا هنا عم دهب هو الملاك الأمريكي من بعد ما كان عم دهب ده رمز للاستغلال والنفاق بس بقي حلو وقت الحرب عشان الحكومة الأمريكية عاوزاه حلو
اما محظوظ فهو رمز للشيطان النازى وحاطط شنب هتلر في الكارتون
وهنا بقي في الفيلم ده هنلاقي ان ميزة #الادخار وعدم الإنفاق بتبذير ميزة وتم تطويعها لخدمة السياسة الأمريكية والحرب وان اي دولار المواطن الأمريكي هيصرفه ببذخ هيكون خدمة للنازيين ودول المحور والاعدااااااااء وهتلاقي جملة مباشرة في الفيلم معناها انك تدى فلوسك للاعداء او حوش فلوسك للضرايب
شوف انت بقي لما اغنية تتعمل بشكر خاص لامريكا وفى توقيت العالم بيشهد أزمة المياه
ثانيا : لو بنتكلم على قيمة ترشيد المياه للأطفال او لمشاهدي الكارتون عموما هنلاقي نماذج كتيرة افضل ومش موجهة زي مثلا قناة اسمها سنا عاملة انشودة اسمها ما اعجبه هذا الماء وكلماتها حلوة فيها حمد لله على نعمة الماء وأننا لازم نحافظ عليه ..
وعاملة انشودة كمان اسمها الماء العذب الصافي للعالم أغلى ثروة
وزى قناة اسمها اهلا سمسم عاملين اغنية اسمها ماء ماء شكرا يارب على الماء
وقناة اسمها اناشيد الروضة : عاملة نشيد من غير إيقاع: لا تسرف ابدا في الماء كي تحيا عيش السعداء ….
وتقدروا تتفرجوا على اغاني كتيرة بتتكلم عن نفس الموضوع وهتقدروا تفهموا الفرق ما بين اللى عاملاه قناة كراميش وما بين غيرها من قنوات الاطفال….
والي لقاء آخر من لقاءاتي الطفولية 😂😍
#عالم_الطفل #فاطمة_حسين