دكتورة فاطمة حسين تكتب : ازاي تحافظي علي الجهاز المناعي لطفلك

الحدث – القاهرة

تكوين الجهاز المناعي للطفل مسئولية الام من الدرجة الأولى وبشوية خطوات متعبة شوية بس نضمن بيها مناعة قوية لأطفالنا
اولا : بلاش سيريلاك انتي ممكن جدا تسلقي الرز وتسلقي في حلة تانية بروكلى وجزر وكوسة وتطحنى الرز والخضار كله في الخلاط خلاص كده جهزتي في البيت سيريلاك الرز والخضار بس طبيعي من غير مواد حافظة

ثانيا : بلاش برطمان هيرو الطفل عشان يكون هيرو في المناعة لازم فواكه طبيعية وفريش وتعصيرها في الخلاط او لو عاوزاها اكل تسلقي التفاح مثلا او الجوافة في الخلاط بس بشوية مية صغيرين هتبقي طخينة وتتاكل بالمعلقة وبكده عملتي هيرو في البيت فواكه طبيعية وفريش

ثالثا : انا عارفة ان في دكاترة بيقولو ان الطفل ياكل شوفان وممكن تحطي عليه لبن سواء خالي الدسم او كامل بس رأي بلاش شوفان مش بيدي العناصر اللي جهاز المناعة محتاجها للطفل واحنا صغيرين كانت جدتي بتعملنا رقاق وعليه لبن وسكر ولو طفلك أقل من سنتين خففي اللبن بمية

واخيرا حاولى تتجنبي اي مواد حافظة لطفلك بلاش استسهال
ويسعد صباحكم 🌺💚