حماد الكعبي يكتب قصيدة بعنوان : ذكرتك

الحدث – سلطنة عمان

ذكرتك والملا في هجعت الليل غافين

وانا سهرني طيفك يعل نومك عوافي

يلي غلاك مسهر عيوني من سنين

لازال حبك داخل القلب صافي

تكفى وعند العرب تسوى ملاين

بسك من الصد ومن الهجر كافي

يكفي تمر سنين يتلن ثمان سنين

سبعن عجافن يتبعن سبعً عجافي

من يوم شفتك عام سته وتسعين

لليوم قلبي يتبعك وانت جافي

ياهيه ياحلم ومتى قلبك يلين

انا على طيفك صاحي وغافي

بعض الدوى ينفع لبعض المحبين

وعلاج حبك مالقوله مشافي