الرئيس السيسي: نسعى للوصول إلى أقصى إنتاجية من فدان القمح

الحدث – القاهرة

علق الرئيس عبد الفتاح السيسي، على كلمة المهندس محمد جمال غريب رئيس مجلس إدارة شركة متخصصة فى الزراعة، وذلك خلال افتتاح مشروعات تنموية فى جنوب الوادى قائلا: “قصدت اتكلم معاك انت بالذات.. بسبب حاجتين المزرعة كانت بتقابل مشاكل وكل الجهود اللى اتعملت سابقا مش نجحت ولكن قدرت تحل المسألة بشكل حاسم.. وبتكلم عن نقطتين.. التكلفة كبيرة وبالتالى اقتصاديا كبيرة.. اقتصاديات المشروع لها عائد جيد .. مش هتعمل حاجة علشان الناس اللى شغالة فى المجال.. محتاج تعمل استثمارات كبيرة لكن العائد جيد“.

وأضاف الرئيس السيسي: “لما بنقول 25 اردب فى الفدان.. دى تجربتك.. لو كان السايد أن الفدان يطلع 18- 20 اردب بنفس كمية المياه والمساحة.. لما الكمية تزيد فوق الـ 20 اردب محتاج نتوقف عند ده.. فى الشغل اللى بيتعمل داخل مشروعات الخدمة الوطنية سواء هنا أو مستقبل مصر مش وصلنا 25 اردب للفدان.. الرقم ده نجح فى مساحة ألفين فدان والمتوسط 25 اردب يعنى فيه زيادة 5 اردب عن السايد.. لما نقول 5 اردب فى مليون فدان يبقى 2.5 مليون اردب يعنى مليون طن.. لو قسمنا ده على كمية هتطلع فوق 20 اردب.. هى هى المياه وهو هو الجهد..

وتابع الرئيس السيسي: “بقول التجربة مش علشان أهنئك وعلشان اسمع كل من يهتم المزارعين فى الدلتا والصعيد.. مهم اوى يعرفوا ازاى يوصل بالكمية دي.. والموضوع مش استخدام مكينة ولكن وسائل علمية تزود الكمية والإنتاج الكبير.. ولو قولنا مزرعة بنى سويف والمنيا وطبيعة الأرض قاسية شوية.. مهم اوى الناس بتقول الأرقام تكلفتها كتير اوي.. التكلفة كتير لأنك بتعمل كل حاجة مرة واحدة.. والدلتا اتعملت على 150 – 200 سنة.. سنين طويلة وانت بتعمل ده كله مرة واحدة.. المشروع بتدخل الكهرباء والمياه ومحطات الرفع.

وأكمل الرئيس السيسي: “لما بنيجى نعمل ده.. حق المشروع قبل حق بلدنا.. اننا نطلع أكبر حجم من الإنتاج.. مليون فدان بتطلع 2.5 مليون فدان.. يبقوا 3 ولا 3.5 مليون طن.. يبقى زودت كمية القمح من غير ما زود أرض أو مياه أو طاقة عمل.. هى نفس المساحة والوقت.. مليون طن هزود 200 ألف طن على نفس الكمية وبالتالى التجربة بتاعتك مهم اوى الحديث معها وأكيد وزارة الزراعة معنية بالكلام .. الرقم ده لافت نظري“.