نصيحة من ام ( ماتسيبوش عيالكم يتفرجوا علي الكارتون لوحدهم )

الحدث – القاهرة – دكتورة فاطمة حسين

اغنية ذهب الليل 😅
طبعا دى اغنية طويلة كان لازم نعملها جزأين اشمعنا يعنى مسلسل سلسال الدم 🤣🤣
قناة كتاكيت بيبي وقناة بطوط عندهم مشكلة في مهنة الضابط فشالوا مقطع ( وحسام بكرة هيبقي ضابط ويدافع عنهم ) وحطوا مكانه ( وحسام بكرة يبقي مهندس ويبني بيتكم ) واضح طبعا ان حسام مش عاوز يكون ضابط وعاوز الاطفال تبقي مهندسين زيه

اما قناة لونا ومرح كي جي وقناة كيوي وقناة كراميش كتر خيرهم قالوا المهنة زى ما هى تقريبا حسام طالع بمنظرين مرة ضابط ومرة مهندس 😅😅

نستخرج حاجة مفيدة من هذا اللقاء الموجه لكل ام واب 😆 وهو ان الكارتون مش مجرد اغانى وصور حلوة ده بمنتهى السهولة بيدخل اللاوعي عند اطفالنا وبيتحكم في ميولهم ورغباتهم وكمان ان في قنوات عندها افكار ضد توجهاتنا يعني مثلا القناة اللي ماذكرتش مهنة الضابط ودي من اهم المهن اللي لازم نربي أطفالنا علي حبها لان الضابط يعمل في مهنة عظيمة سواء شرطة أوجيش بيدافع عننا يبقي لازم نربي ولادنا علي حب المهنة ومن ثم حب الجيش والشرطة وحب الدفاع عن مصر ❤️❤️❤️

والي لقاء اخر من لقاءاتي عن الأطفال ☺☺☺ ومتسبوش عيالكم لوحدهم يتفرجوا على الكارتون

#ذهب_الليل #التربية_الحديثة
#تأملات
#فاطمة_حسين